17 SAYLI YASAMAL ÜÇÜNCÜ SEÇKİ DAİRƏSİNİN DEPUTATI

Bu gün Milli Məclisin İqtisadi siyasət, sənaye və sahibkarlıq komitəsinin onlayn rejimdə iclası keçirildi. Gündəlikdə kifayət qədər geniş spektri əhatə edən 17 məsələni müzakirə etdik. Bu məsələlər büdcə zərfinə daxildir və ikinci oxunuşda müzakirəyə çıxarılıb. 

Fikir mübadiləsi obyekti olan məsələlər sosial həyat, iqtisadiyyat, vergi sistemini tənzimləyən qanunlarda bir sıra dəyişiklikləri nəzərdə tutur. Onların hamısı mütərəqqi xarakter daşıyır. Misal üçün, təklif edilən dəyişikliklərdən biri şəhid ailələri və əlilliyi təsdiq olunmuş müharibə iştirakçılarına edilən yardımları əhatə edir. Belə ki, bu kontingentdən olan vətəndaşlarımıza edilən yardımların 10 min manata qədər hissəsindən gəlir vergisi tutulmur. Ancaq yardım tək dövlət tərəfindən  deyil, həm də misal üçün, ayrı-ayrı şirkətlər və sahibkarlar tərəfindən də edilir. Bu məntiqlə, yardımın həcmi 10 min manatı keçir. Bu səbəbdən təklif olunur ki, həmin məbləğ 10 mindən 20 min manata qaldırılsın