17 SAYLI YASAMAL ÜÇÜNCÜ SEÇKİ DAİRƏSİNİN DEPUTATI

Bu gün Yeni Azərbaycan Partiyası Mərkəzi Aparatının təşkilatçılığı ilə müasir tariximizin ən kədərli anlarından biri - Xocalının işğalı və xalqımıza qarşı soyqırımının törədilməsinin 30-cu ildönümünə həsr olunmuş videokonfrans formatında tədbir keçirildi. Yeni Azərbaycan Partiyası sədrinin müavini – Mərkəzi Aparatın rəhbəri Tahir Budaqovun rəhbərliyi ilə keçirilən tədbridə YAP Veteranlar Şurasının üzvləri, Milli Məclisin deputatları, partiyadaşlarımız iştirak edirdilər. Tədbirdə Xocalı soyqırımının canlı şahidlərinin xatirələrinin əsk olunduğu sənədli film nümayiş olundu. Çıxışçılar həmin günlərə qayıdaraq Xocalı soyqırımının törədilməsi ərəfəsində baş verən siyasi hadisələrdən, ermənilərin ötən əsrin 80-ci illlərinin ortalarından başlayaraq separatçı meylləri biruzə vermələrindən danışdılar.

44 günlük Vətən müharibəsi ərzində qəhrəman ordumuz Xocalı qırğını zamanı və ümumiyyətlə, I Qarabağ müharibəsində qanı tökülmüş bütün şəhidlərimizin qisasını aldı. Azərbaycanın qəhrərman oğulları göstərdilər ki, xalqımıza qarşı istənilən təcavüz cəhdinin qarşısı yerindəcə alınacaq və düşmən məhv ediləcək. Allah bütün şəhidlərimizə, Xocalı soyqırımı qurbanlarımıza rəhmət etsin! Allah ordumuzu var etsin!