ELNUR ALLAHVERDİYEV SİZİN DEPUTATINIZDIR, ONA Hərbi-kriminal xunta erməni əhalisini qorxu və ambisiyalarının girovuna çevirib
Qarabağ iqtisadi rayonunda yaşayan ermənilərin humanitar ehtiyaclarının təmin edilməsi üçün Azərbaycanın təklif etdiyi Ağdam-Xankəndi marşrutu sonuncu Brüssel görüşündə razılaşdırılıb. Azərbaycan və Ermənistan liderlərinin danışıqlarından sonra bunu Avropa İttifaqı Şurasının Prezidenti Şarl Mişel rəsmən bəyan edib. Maraqlıdır, görəsən həmin danışıqlar ərzində Ermənistanın baş naziri nədən indiki kimi yüklərin Laçın yolu ilə keçməsində israr etmirdi? Bunu iyulun 15-də Brüsseldə keçirilən görüşdən dərhal sonra da deyə, narazılıq edə bilərdi.
Rəsmi Yerevan Azərbaycan ərazisi kimi tanıdığı Qarabağa humanitar yük göndərmək barədə Bakıya hər hansı müraciət etməyib. Bunu özləri etiraf edirlər. Deməli, bu planlaşdırılımış təxribatdır
Bir sıra dövlətlərin də Ermənistanın təxribat cəhdinə dəstək vermələri əsaslı şübhələrə yol açır. Onların məsələ ilə bağlı bir-birilərini təkrar edən məzmunda bəyanatlar vermələri ikili standartların bariz göstəricisidir. Qarabağdan məcburi köçkün düşmüş bir milyona yaxın azərbaycanlı əhali illərlə humanitar yardıma ehtiyac içində yaşayıb. Xüsusilə də ötən əsrin 90-cı illərində. Onda bu bəyanatları verən ölkələr eyni reaksiyanı vermişdilərmi? İndi Yerevandakı səfirləri yığışıb Azərbaycanla sərhədə gəlirlər, Avropanın ezam etdiyi müşahidəçilər gecə-gündüz keşikdə durublar.
Separatçıların hətta “ərzaq çatışmazlığı” şəraitində hərbi xarakterli təxribatlardan əl çəkməmələri mövcud situasiyanın gerçək mahiyyətindən xəbər verir. Separatçı xunta həddini o qədər aşıb ki, hətta guya “humanitar böhran” zamanında da özünün təxribatlarından əl çəkmir. Bölgə üzərindən uçan sərnişin təyyarələrinin uçuşuna maneələr yaradılır. Özü də tək Azərbaycan təyyarələrinə deyil, o cümlədən xarici təyyarələrə də. Necə ki, iyulun 24-də “Çexiya Hava Yolları” aviaşirkətinin təyyarəsinə maneə yaradıblar. Görəsən, hay-küy salan Avropa dövlətlərinin bundan xəbərləri varmı?
Heç bir dövlət və ya dövlətlər digər dövlətə sərhədini biz istəyən yerdən aç, yüklərimizi oradan keçirək deyə göstəriş verə bilməz. Azərbaycanla bu tərzdə danışmaq heç bir nəticə verməyəcək. Bizim mövqeyimiz aydındır. Ağdam-Xankəndi yolu tam hazırdır, təklifimizi vermişik, Brüsseldə qəbul edilib. Yükləriniz bütün gömrük və sərhəd prosedurlarını keçdikdən sonra sözügedən yolla Xankəndiyə aparıla bilər. Üstəlik, Azərbaycan ərazimizdə yaşayan erməniəsilli şəxslərin ərzaq və digər ehtiyaclarını özü də ödəməyə hazırdır. Laçın sərhəd-keçid məntəqəsi isə öz ahəngi ilə işləyir. Sıravi şəxslər sərhəddən heç bir maneəsiz keçirlər. Bu günədək sərhəddən 2 min nəfərə qədər şəxs istifadə edib.
Ermənistan və havadarları vəziyyəti “humanitar böhran”, “fəlakət” kimi qələmə verib siyasi manipulyasiya ilə məşğuldurlar. Qarabağ Azərbaycanın dünya, o cümlədən Ermənistan tərəfindən tanınmış ərazisidir. Bizim ölkədə hər hansı böhran, ərzaq çatışmazlığı yoxdur. Biz ərazimiz olan Qarabağdakı erməni əhalinin hər bir ehtiyacını ödəməyə hazırıq. Azərbaycan Ermənistan kimi xaricdən gələn ianələr hesabına dolanan dövlət deyil. Biz özümüz-özümüzü təmin edən ölkəyik. Belə olduğu halda hansı “böhran”dan danışmaq olar? Söhbət Xankəndidə kök salmış hərbi-kriminal xuntanın erməni əhalini özünün qorxu və ambisiyalarının girovuna çevirməsindən gedir. Ağdamla Əsgəran arasında yola beton maneələri kim düzdürübsə, o da böhranda maraqlıdır.
.
Elnur Allahverdiyevə müraciət edin.
Hörmətli vətənadaşlar, hər birinizin müraciəti bizim üçün vacibdir. Sual, təklif və şikayətlərinizlə cavab verə bilmək üçün ad, soyad, şəxsiyyət vəsiqənizin nömrəsini və telefon nömrənizi düzgün daxil etməyinizi vacibdir.
Qeydiyyatda olduğunuz ünvanı seçin
