Hörmətli vətənadaşlar, aşağıdakı məlumatları dolduraraq siz sayt daxilində açar söz və ya Elnur Allahverdiyevin sizin yaşadığınız ərazinin deputatı olması haqqında axtarış apara bilərsiniz.
ELNUR ALLAHVERDİYEV SİZİN DEPUTATINIZDIR, ONA
MÜRACİƏT
EDƏ BİLƏRSİNİZ
SEÇİLƏN ÜNVAN
22/06/2023
Milli Məclisdə çexiyalı deputatlarla görüş
Bu gün Milli Məclisdə Çex Respublikası Parlamentinin Deputatlar Palatasının Çexiya-Azərbaycan parlamentlərarası dostluq qrupunun rəhbəri Yan Kubikin rəhbərlik etdiyi nümayəndə heyəti ilə görüşümüz oldu. Qonaqlar artıq 3 gündür Azərbaycanda səfərdədirlər. Onlar Bakıda bir sıra görüşlər keçirib, işğaldan azad edilmiş Ağdamda olublar.
Hesab edirəm ki, bu səfər ölkələrimiz arasındakı münasibətlərlə yanaşı, sırf parlamentlərarası əlaqələrimizin inkişafına ciddi təkan olacaq. Çexiyanın Azərbaycandakı səfiri cənab Milan Sedlaçekin də qeyd etdiyi kimi, parlamentlər və dostluq qrupları ölkələr arasında siyasi münasibətlərlə yanaşı iqtisadi təmasların da intensivləşməsini sürətləndirə bilər.
Həmkarlarım Jalə Əhmədova və Nurlan Həsənovun da iştirak etdikləri görüşdə çexiyalı deputatlarla gəldiyimiz ortaq rəyə əsasən, qarşıdakı dövrdə əlaqələrimizi iki istiqamətdə möhkəmlətməyə çalışacağıq: Qarabağ və Azərbaycan həqiqətlərinin Çexiya cəmiyyətinə çatdırılması işinin gücləndirilməsi və iqtisadi əlaqələrə dəstək. Yeri gəlmişkən, çex həmkarlarımız Çexiya şirkətlərini Qarabağ və Şərqi Zəngəzurun bərpası işində iştiraka səsləyəcəklərini bildirdilər
Hörmətli vətənadaşlar, hər birinizin müraciəti bizim üçün vacibdir. Sual, təklif və şikayətlərinizlə cavab verə bilmək üçün ad, soyad, şəxsiyyət vəsiqənizin nömrəsini və telefon nömrənizi düzgün daxil etməyinizi vacibdir.