Azərbaycan Respublİkasının Mİllİ Məclİsİnİn VI çağırış deputatı

Dünən Milli Məclisin İqtisadi siyasət, sənaye və sahibkarlıq komitəsində TikTok platformasının nümayəndə heyəti ilə görüşümüz oldu. Komitə sədri Tahir Mirkişili Azərbaycanda sosial media istifadəçilərinin sayının son illərdə daha da artdığını bildirdi. Komitə sədri qeyd etdi ki, sosial mediadan düzgün və məqsədli istifadə olduqca vacibdir.

Müzakirə zamanı geniş tədbirlər planı çərçivəsində qarşılıqlı əməkdaşlıq aparılmasının və maarifləndirmə işlərinin vacibliyini vurğulandı.

Müzakirələr zamanı şirkət rəhbərliyinə belə bir sual ünvanladım: "ABŞ-da TikTok şirkətinin qarşısında müəyyən şərtlər və vaxt qoyulub. Bu şərtlərdən hər hansı yerinə yetirilməsə, şirkətin fəaliyyəti məhdudlaşdırılacaq. Şərtlərdən biri də ondan ibarətdir ki, TikTok mütləq şəkildə müəyyən payını ABŞ vətəndaşına, yaxud şirkətinə satmalıdır. Bu şərt məcburidir. Maraqlıdır dünyaya demokratiya dərsi keçən bir ölkə azad sahibkarlıq fəaliyyətinə belə bir maneə yaratmaqla monopoliyanı təşfiq etmirmi?"